LIZENTZIARIK GABEKO ERRADIAZIOAK PLENTZIAN

Joan den uztailaren 17an, hainbat komunikabidetan “LIZENTZIARIK GABEKO ERRADIAZIOAK” izenburua zuen eskutitz bat agertu zen argitaratuta, igorleak Andra Mari bideko eraikuntzan dauden telefono mugikorren antenei buruz idazten zuen.
Bertan agertzen denez, “antena hauek telefono mugikorren erradiazioa ari dira zabaltzen Andra Mari auzoan, alde zaharreko parte handi batean, San Jose auzoan, eta baita inguruetan ere.
Eraikuntza honek ez du funtzionatzeko lizentziarik eta obrarako lizentzia espedientea galdu egin da. Gakoa zera da, lizentzia hauek onartuak izatea guztiz zalantzagarria dela, sospideko arauen arabera erradiazio igorpen hau ilegala izan daitekeelarik.
Udal Batzarrari, auzokide honen baieztapenak zein puntutaraino diren egia azal dezan eskatzen diogu eta guztiok jakinaren gainean jar gaitzaten. Honen inguruan informaziorik euki ezean, dagokion ikerketa irekitzea ezinbestekoa ikusten dugu, delito baten baino gehiagotan erortzeko aukera baitago, osasen publikoaren kontrakoa barne legokeelarik.

erradiazioa.pdf

GUTUNA Silvia López de Guereñu Bernaldori (Lehenengo Alkateordea eta Hirigintzako Zinegotzi Delegatua)

Uztailaren 27ko Osoko Bilkuran zeuk egindako adierazpenak direla eta, zeinetan esaten baitzenuen: “atzo (uztailak 26) prentsan atera zen -gainera, aspaldi ohartarazi diete (Udaletxeko) fatxadan egindako pintaden bitartez- prestatuta zegoen atentatuetako bat (ustez egun batzuk lehenago Bizkaian egindako polizia-operazio batean atxilotuetakoek burututakoa) Plentziako komisarian izango zela”, horiei buruzko jendaurreko zuzenketa egin dezazula eskatu nahi dizugu, izan ere, inolako komunikabidetan, ez ikus-entzunezkoetan ez prentsan, ez da zeuk esandakorik aipatu. Honenbestez, gezurra esaten ari zara horrelako adierazpenak egitean eta hori gutxi balitz, hauei erabilera alderdikoi eta oportunista ematen diezu, komunikabideetan agertutako informazioa gehien komeni zaizun momentuan erabiliz. Larriena kontu honetan, zure adierazpenek eragin dezaketen alarma sozialaz gain, zeuk eman duzun epaia da, epaileek eurena eman baino lehenago, gainera, gaur egun ziurtasunez dakigun bakarra atxilotuen kopurua eta eurek egindako tortura-salaketak direnean.
Amaitzeko, irailaren 30eko Osoko Bilkuran zeuk esandakoa ere kontuan hartu dugu jendaurreko zuzenketa hau eskatzerako orduan. Hauxe esan zenuen bertan, EAJko zinegotzi bati zuzentzen ari zinela (etorkizuneko Haur Eskolaren proiektua aurrera eramateko bere taldeak eskatutako diru-laguntzarekin erlazionatutako berri baten harira, egun horretan bertan prentsan atera zena) : “ez dizut kontatuko kazetariak nolakoak diren, ez dagoelako horren beharrik, denok baitakigu nolakoak diren”.

gutuna-silviari.pdf

Cortaderia Selloana = Belar suntsitzailea

“Cortaderia Selloana” izen ezberdinekin ezagutzen dugun graminia exotikoa da, “cortadera, panpako belarra edo plumeroak”. Belar suntsitzaile honek, Argentina, Uruguay, Txile eta Brasilen du jatorria, eta lorategietan apaingarri gisa erabili eta gero, orain dela hamarkada bat baino gehiago hasi zen espezie suntsitzaile hartzen gure herrialdean.
“Cortaderia” honek mulu (mata) itxura dauka, inguru hezeetan eta klima epeletan zabaltzen da batik bat. Hamar hamabost urte irauten du batez beste, zeinetan haizeak lagunduta, milaka milioi hazi banatu ahal dituen 30 km karratutan.
Bere kimuak taldekatu eta hiru metroko ingurua eta lau metroko altuera izatera hel daitezke, lurrean ia metro bateko sakonerara hel daitezkeelarik. Sustraien indar honek, sute baten ondoren ere berpiztera lagun ditzake; arrazoi hauengatik eta moldatzeko duen ahalmenagatik, oso arin eta erraz zabaldu egiten da.
Bizkaiko ikerketa institutuak 2006. urtean argitaratutako ikerketan azaltzen duen bezala, herrialdean, 134 hektarea inguru hartuta daude, 134.000 landare 1.336 leku desberdinetan sakabanatuta. Eragin maila altua edo oso altua da 24 herrietan, 100 hektareatan.
Eta Plentzia ez da salbuespena: Berreaga, Txipio, Saratxaga, Isuskiza, erreka inguruak… Belar suntsitzaile honek herriaren hainbat parte kutsatu ditu, eta ez bada erremediorik jartzen, horrela jarraitu eta bertako landarediari kalte egingo dio, herri laborantzei, espazio publikoei…
Premiazko eskaera egiten diogu beraz Udaletxeari, behar diren neurriak ezar ditzatela arazo larri hau konpon dezagun, ondorioak, guztiok pairatzen baititugu, eta behin arazoari aurre eginda, horrelakoak berriro ez gertatzeko beharrezko neurriak har daitezen.

cortaderia-selloana.pdf

Abertzale andana bildu da goizean Santi Brouard eta Josu Muguruza PSOEko goi karguetatik bultzatutako GALek eraildako bi buruzagi abertzalei Errekalden eta Ametzolan egindako lore eskaintzetan.

Ezker abertzaleko ordezkaritza zabal batek parte hartu du omenaldietan. Besteak beste, Arnaldo Otegi, Rafa Diez, Eugenio Etxebeste, Ainhoa Etxaide eta Arantza Urkaregi hurbildu dira GALek eraildako Santi Brouard eta Josu Muguruza buruzagi independentistei omenez Errekalden eta Ametzolan dauden monolitoetara.

Arratsaldean manifestazio bat egingo dute GALen sorreran erantzukizun politikoak izan zituen PSOE alderdiak Bilbon okupatzen duen egoitzatik gertu zegoen Brouarden kontsultatik. Mobilizazioa arratsaldeko 7:30etan abiatuko da eta ostean ekitaldi politikoa egingo dute Areatzan eta bertan Itziar Lopategik hitz egingo du.

Goizeko agerraldian argi utzi nahi izan dute bai Santi Brouardek bai Josu Muguruzak bi erreferente politiko izaten darraitela, “herri honentzat irtenbide demokratikoa lortzeko erakutsi behar dugun irmotasuna eta determinazioaren eredu direlako”, Santi Kirogaren esanetan.

Ezker abertzaleak atari berri bat zabaldu du interneten: www.ezkerabertzalea.info. Gune hau ezkertiar eta independentista guztiei tresna berri bat eskaintzeko bokazioz jaio da, independentzia eta sozialismoaren bidean erreferentziazko ataria izan nahi duena, eta askapen borrokaren ispilu.

GUZTION PARTE HARTZEA EZINBESTEKOA DA!

Elkartasunezko bertso bazkaria egingo da urriaren 11n, zapatua, Sopelan.

Bazkaltzeko indabak egongo dira. Txartelaren prezioa 15 €.

Eman izena ohiko lekuetan.

Dagozkien eskubideen jabe,
EUSKAL PRESOAK EUSKAL HERRIRA

www.askatu.org

Amnistiaren Aldeko Mugimenduko kide ugarik azken asteotako gertaerak salatu eta erantzun handi baterako deia luzatu dute gaur goizean Hernaniko kultur etxean egindako agerraldian.

Hurrengo irakurketa burutu dute prentsaurrean

Hemen bildu gara Euskal Herri osotik etorririko. Amnistiaren aldeko militanteak, preso politiko ohiak, presoen, iheslarien edota errepresioak hildakoen familiarrak, edota torturatuak izandako pertsonak.

Aste honetan, Espainiako PSOE -ren gobernuak hala erabaki duelako, presoekiko elkartasuna eta errepresioaren salaketa debekatu eta kriminalizatzea legezko bilakatu dute. Erabaki dute eta legezko egin, preso politikoen eskubideak defendatzea terrorismoa dela eta pertsonen eskubideak defendatzea eta injustizia edo eskubide urraketak salatzea terrorismoa dela. Errepresio espainiarraren armategi den tribunal berberak legez kanpoko egin ditu ANV eta EHAK alderdiak, Euskal Herriko sektore oso bat lan instituzional eta politikorako eskubide eta aukerarik gabe uzteko erabaki politikoaren mesedetan.

Kapitulu berri hau, PSOE ren gobernuak Euskal Herrirako prestatu duen plan errepresiboan beste pausu bat da. Bide polizial eta errepresiboa da herri honi eskaintzen dion bakarra. Hilabete batean, Nafarroan guardia zibilak pertsonak bahitu eta era basatian torturatu izanak, panikoa zabaldu eta inpunitatea maila gorenera eraman dutela frogatzen du. Juanjo Rego Vidal, gaixotasun larriak izanik ere bahiturik duten presoa gose eta egarri greban jarri izanak, apainduriko heriotza zigorra gupidarik gabe ezartzeko apustua erakusten du. Aste honetako legez kanporatze eta espetxeratzeek. ilegalizazio politikan muturreraino joan direla erakusten du, azken urtean herritarrak era masiboan atxilotuz eta hitza delitu bilakatuz.

Euskal Herrirako erabaki judizialak, GAL asmatu zuten horien bulegoan hartzen dira. Rubalkaba eta Zapatero dira, errepresioaren agenda zehazten dutenak, audientzia nazionalak Euskal Herriari kolpe berria noiz eta nola eman behar dion erabakitzen dutenak.

Espainiar estatuak Euskal Herrian krimena legezko bilakatu du. Jazarpena, gerra zikina, tortura, eskubide zibil eta politikoen urraketa, oinarrizko askatasun eta eskubide demokratikoen zanpaketa eta preso politikoen anikilaziorako neurriak legezko egin dituzte.

Euskal Herrian hitza delitua den bitartean, tortura basatia legezkoa da. Elkartasuna delitu den bitartean, heriotza zigorra legezkoa da. Manifestazioa eta iritzia delitu den bitartean, biolentzia poliziala legezkoa da.

Hau guztia posible egiten dute, Ibarretxeren gobernuak auzitegi nazionalaren irizpideak bere egin eta presoen aldeko manifestazioak debekatu eta herritarrak atxilotzen dituzten bakoitzean. Instituzioetan botere gehiago izateagatik ANV kanporatzeko inolako arazorik ez duten politikari eta alderdiei esker da hau guztia posible, errepresio bortitz eta basatiaren aurrean beste aldera begiratzen duten horiek zabaltzen dituzte inpunitate eremuak Euskal Herrian.

Euskal Herrian bizi dugun salbuespen egoera eta demokrazia ezaren egoera duela 30 urteko diktaduraren parekoa da. Euskal Herrian onartu ez zen konstituzio espainiarrak demokrazia itxura eman eta inposizioa bermatu besterik ez du egin, konstituzioaren aterkipean errepresio aro gordinak, biolentzia poliziala, tortura basatia eta jazarpena ezarriz. Euskal Herria espetxeraturik mantentzen duen konstituzioa babesten duten horiek dira Espainiako espetxeak askatasunaren alde jarduten diren euskal herritarrez betetzen dituztenak.

PSOE -ren gobernuko ordezkariak behin eta berriro goraipatzen duten konstituzioaren aurka egotea edo berau zalantzan jartzea nahikoa arrazoi da urte luzeetarako espetxean giltzapetzeko.

Konstituzio espainiarra da Euskal Herrian benetan onartua izan ez dena, inoiz! Konstituzio espainiarra da herri honetan inolako zilegitasunik ez duena eta bere babesean Euskal Herriari ezartzen zaio errepresio, inposizio eta inpunitatea dira legez kanpoko herri honetan.

Errepresio gehiago badago, errepresioaren salaketa gehiago izango da. Preso politiko gehiago badira, presoekiko maitasun eta elkartasuna hazi besterik ez da egingo. Amnistiaren aldeko mugimendua ezin da espetxeratu, espetxeak apurtu eta askatasuna izateko jaio baitzen, preso guztiak gure artean izan arte, amnistia lortu arte hemen izango gara!

Salbuespen egoerari aurre egiteko deia luzatu nahi diogu Euskal Herriari. Horretarako herriz herri burutuko diren mobilizazioetan parte hartzeko deia luzatzearekin batera, manifestaldi nazionala burutzeko deia egiten dugu, urriaren 4an, 17.30ean Bilboko Aita Donostiatik hasita.

Amnistiaren Aldeko Mugimenduaren aurkako auzian epaituak izan direnek sententzia jasoko dute bihar, asteazkenean, entzutegi nazionalean. AAMak kalean erantzuteko deia luzatu du eta sententzia honi erantzuteko mobilizazioak burutuko dira hainbat herritan datorren asteazkenean.
BIHAR, ASTEAZKENA, ILUNTZEKO 20:30etan ENKARTELADA EGINGO DA PLENTZIAKO “PIRULIN”!
ASKI DA! EUSKAL HERRIAK ASKATASUNA BEHAR DU!

Plentziako Presoen Lagunak taldetik eskerrak eman nahi dizkiogu Elkartasun Zozketa honetan parte hartu duen jende orori, eta euskal preso politiko zein errepresaliatuei elkartasuna adierazten jarraitzeko deia egin dute.

Abuztuaren 29an, ostirala, arratsaldeko 16:00etan ENKARTELADA egingo da Kristo Baselizan, “EUSKAL PRESOAK EUSKAL HERRIRA” lelopean.
Abuztuaren 31ean, igandea, 13:00etan ENKARTELADA burutuko da Astilleron, “EUSKAL HERRIAN DEMOKRAZIA ZERO” lelopean. Arratsaldeko 15:00etan herri bazkaria egingo da Txosnan (bazkarirako txartelak salgai daude ohiko lekuan). Bazkal ostean omenaldia egingo zaie Euskal Preso Politikoei.
Irailaren 1ean, astelehena, NEKAZAL AZOKA SOLIDARIOA Astillero inguruetan
Iraiaren 2an, 12:00etatik aurrera KOKTELAK Erribera kalean

Jaietan ere, presoak eta iheslariak etxera!

KARTELA pdf-en:
jaiak.pdf